Nod y Prosiect Hwyluso STEM yw sefydlu rhaglen gydlynol o gymorth, yn canolbwyntio ar ddiwydiant, o fewn y Cymoedd Technoleg. Bydd y prosiect, gan weithio gydag ysgolion yng nghlwstwr Ebwy Fawr, yn ceisio codi ymwybyddiaeth o gyfleoedd ymhlith plant, pobl ifanc a’r gymuned ehangach er mwyn ymgysylltu’n gadarnhaol â nhw a chynyddu uchelgais a chyrhaeddiad yn y pen draw. Ei nod yw codi dyheadau a pharatoi disgyblion ar gyfer eu taith i fyd gwaith wrth ategu’r cwricwlwm ysgol.